سید اعجاز
ترال//حلقہ انتخاب ترال کی نشست پی ڈی پی کے امیدوار رفیق احمد نائیک نے نیشنل کانگریس اتحاد کے امیدوار رسرندر سنگھ چنی کے ساتھ سخت مقابلے کے بیچ اپنے نام کی ہے ۔ رفیق احمد نائیک نے کل10710ووٹ جبکہ سرندر سنگھ چنی نے 10250ووٹ حاصل کئے ہیں ۔مسلسل آٹھویں رونڈ تک سرندر سنگھ چنی یہاں لیڈ کر رہا تھا تاہم آٹھویں رونڈ کے بعد جب مین ترال کی ووٹ شماری شروع ہوئی تو یہاںتو یہاںپی ڈی پی امیدوار نے لیڈ نا شروع کیا ہے اور اس جیت کو آخر کار سخت مقابلے کے دوران درج کیا ۔ حلقے میں کل9امیدوار اپنا سیاسی قسمت آزما رہے تھے جن میں چار امیدوار وں کے بیچ صبح سے ہی مقابلہ دیکھا گیا ہے ۔ دوسرے نمبر پر یہاں اتحاد کے امیدوار سرندر سنگھ چنی جس نے10250ووٹ حاصل کئے جبکہ تیسرے نمبرآزاد امیدوار و سابق این سی لیڈر ڈاکٹر غلام نبی بٹ جس نے 9778ووٹ اور عوامی اتحاد پارٹی کے امیدوار ہر بخش سنگھ ساسن نے8557ووٹ حاصل کئے ہیں ۔ جیت درج کرنے کے بعد پی ڈی پی ترال کے تمام ورکران مقامی لوگوں کی ایک بڑی تعداد پلوامہ پہنچے اور یہاں گاڑیوں کے ایک قافلے میں رفیق احمد نائیک کو ترال شام دیر گئے پہنچایا گیا ۔اس دوران ان کا اونتی پورہ سے ترال تک سینکڑوں مقامات پر لوگوں نے ان کا گرم جوشی کے ساتھ والہانہ استقبال کیا ہے ۔
