محکمہ آر اینڈ بے کے وعدے سراب ثابت ،کہلیل ترال سے ناگہ بل تک رابط سڑک کھنڈارت میں تبدیل

ترال//ترال کے کہلیل سے ناگہ بل تک2.5کلو میٹر انتہائی خستہ حال ہوئی ہے جس کی وجہ سے مقامی آبادی کو تکلیف دہ صورتحال کا سامنا کرنا پڑ رہا ہے ۔ علاقے سے تعلق رکھنے والے لوگوں نے بتایاکہ انہوں نے متعدد بار خستہ حال سڑک کے حوا لے سے محکمہ آر اینڈ بی کے افسران کی نوٹس میں لایا تاہم محکمے کے مرمت اور تعمیر کرنے کے وعدے اب تک سراب ثاب ہوئے ۔ ۔مقامی لوگوں نے بتایا مزکورہ سڑک پر جگہ جگہ کڈے بن گئے ہیں جو بارشوں میں دریا کی شکل اختیار کرتے ہیں انہوں نے بتایا سڑک کی خستہ حالی کے باعث ناگہ بل برن پتھری ، ماحچھامہ، زاری ہاڑ،باگندر،پیر تکہ کی وسیع آبادی کو مشکلات کا سامنا کرنا پڑ رہا ہے ۔لوگوں نے بتایا کہ سڑک کی تعمیرکے لئے انہوں نے کئی بار حکام کو مطلع کیا تاہم تاحال کوئی کارروائی نہیں کی گئی ہے ۔انہوں نے بتایا مزکورہ سڑک کی کل لمبائی2.5کلو میٹر ہے اس کے باجود بھی کوئی اس سڑک کو مسلسل نظر انداز کیا گیا ۔ مقامی لوگوں نے بتایا انہوں نے آج تک محکمہ آر اینڈ بی متعدد بار سڑک کو تعمیر یا کم سے کم مرمت کی اپیل کی ہے تاہم صرف جھوٹے وعدوں کے سوا ہمیں کچھ نہیں ملا ۔انہوں نے انتظامیہ کے اعلیٰ حکام سے مداخلت کی اپیل کی ہے ۔