سرینگر، 25اگست 2025/ مرکزی وزیر ڈاکٹر جتندر سنگھ نے اتوار کو انڈین چیمبر آف کامرس (آئی سی سی) سے جموں و کشمیر میں نجی شعبے کی شمولیت کو فعال طور پر فروغ دینے کا مطالبہ کرتے ہوئے کہا کہ مرکزی زیر انتظام علاقہ بھارت کی معاشی ترقی کا ایک اہم محرک بننے کی صلاحیت رکھتا ہے۔ تاہم، انہوں نے زور دے کر کہا کہ حکومت کے ساتھ نجی شعبے کی شراکت داری جموں و کشمیر کی ترقی کے لیے ضروری ہے۔
سرینگر میں آئی سی سی کی صد سالہ ریٹریٹ سے خطاب کرتے ہوئے انہوں نے کہا کہ مودی حکومت نے عوامی اور نجی شعبوں کے درمیان موجود دیرینہ رکاوٹوں کو دور کیا ہے اور اب صنعت کو آگے آنا چاہیے۔
ڈاکٹر جیتندر سنگھ نے کہاکہ ”حکومت بہت زیادہ فراخ دل ہو گئی ہے۔ ہم نے یہاں تک کہ ایٹمی شعبہ بھی کھول دیا ہے، لیکن نجی صنعت تیار نہیں تھی کیونکہ وہ اس تبدیلی کی توقع نہیں کر رہی تھی۔ اب وقت ہے کہ صنعت قیادت سنبھالے۔“
ترقیاتی کے نئے منظرنامے میں جموں و کشمیر کی اہمیت کو اجاگر کرتے ہوئے وزیر موصوف نے لیونڈر کی کاشت پر مبنی ”پرپل ریولوشن“ کو عوامی-نجی شراکت داری کی کامیاب مثال قرار دیا۔ یہ اقدام جو بھدرواہ سے شروع ہوا اور بعد میں گلمرگ تک پھیل گیا، نے بڑے پرفیوم مینوفیکچررز کی سرمایہ کاری کو اپنی جانب متوجہ کیا اور مقامی کسانوں اور نوجوانوں کو زیادہ منافع بخش کاشتکاری کی طرف مائل کیا۔ یہاں تک کہ کچھ پیشہ ور افراد نے تو لیونڈر فارمنگ کی منافع بخشی دیکھ کر کارپوریٹ نوکریاں بھی چھوڑ دیں۔
اسی طرح، ڈاکٹر جتندر سنگھ نے نوٹ کیا کہ مقامی سیلف ہیلپ گروپس، جن میں خواتین کی قیادت والے گروپ بھی شامل ہیں، سیب کی کاشت میں جدید تکنیک اپنا رہے ہیں جس سے پیداوار میں اضافہ اور پھل کی شیلف لائف میں بہتری آئی ہے۔ انہوں نے کہا: ”یہ اس بات کی مثالیں ہیں کہ کس طرح ابتدائی صنعت کاری کے روابط خطے میں روزگار اور معاش کو بدل سکتے ہیں۔“ انہوں نے چیمبر پر زور دیا کہ وہ بڑے پیمانے پر کاروباری اداروں کو سرکاری اداروں اور نجی فریقوں سے جوڑے۔
وزیر موصوف نے ملک میں اسٹارٹ اپ بوم کا بھی ذکر کیا، جس میں اب تک تقریباً 1.7 لاکھ نئے کاروبار رجسٹر ہو چکے ہیں، جن میں سے 60 فیصد سے زائد ٹائر-2 اور ٹائر-3 شہروں سے ہیں۔ انہوں نے کہا کہ سرینگر جیسے شہر اس لہر سے فائدہ اٹھانے کی بہترین پوزیشن میں ہیں۔ انہوں نے کہا ”چھوٹے شہروں میں خواہشات کی سطح بلند ہے اور درست ماحولیاتی نظام کے ساتھ جموں و کشمیر اختراع اور کاروباری قیادت کا مرکز بن سکتا ہے۔“
حکومتی پالیسی میں تبدیلی کی جانب اشارہ کرتے ہوئے ڈاکٹر جتندر سنگھ نے کہا کہ وہ شعبے جو پہلے صرف عوامی شعبے کے لیے مخصوص تھے—جیسے خلائی سائنس اور بایو ٹیکنالوجی—اب نجی سرمایہ کاری کے لیے کھول دیے گئے ہیں اور تعاون کے لیے ڈھانچے پہلے سے ہی تیار ہیں۔ انہوں نے مزید کہا کہ بھارت کا اگلا معاشی انقلاب بایو ٹیکنالوجی پر مبنی ہوگا اور جموں و کشمیر کو اس تبدیلی میں اپنی جگہ بنانی ہوگی۔
سرینگر میں آئی سی سی ریٹریٹ کو بروقت اور علامتی قرار دیتے ہوئے انہوں نے کہا کہ اس نے واضح پیغام دیا ہے کہ مرکز کے زیر انتظام علاقہ بھارت کی مرکزی معاشی ترقی میں شامل ہونے کے لیے تیار ہے۔ انہوںنے کہا: ”یہ صنعت کے لیے جموں و کشمیر کے ساتھ منسلک ہونے کا بہترین وقت ہے۔ ضرورت صرف ایک واضح منصوبہ اور وقت بندی کی ہے تاکہ چیزوں کو عملی جامہ پہنایا جا
