سید اعجاز
پلوامہ//جنوبی کشمیر کے گلزار پورہ اونتی پورہ سے تعلق رکھنے والے ایک مزدور کی لاش جموں میں لٹکی ہوئی پائی گئی ہے اس حوالے سے پولیس نے کیس درج کر کے تفتیش شروع کی ہے۔ذرائع نے بتایا منظور احمد وانی ولد غلام قادر وانی ساکن گلزار پورہ اونتی پورہ کی لاش جموں میںپولیس نے ایک درخت کے ساتھ لٹکی برآمد کر لی ہے۔مقامی لوگوں نے بتایا مزکورہ شخص ایک ہفتے قبل گھر سے جموں کے لئے نکلا تھا جہاں گزشتہ رات افراد خانہ کو پولیس نے اس حوالے سے اطلاع دی ہے۔اطلاع موصول ہونے کے فوراً بعدمزکورہ شہری کے افراد خانہ نے اونتی پورہ میں نذدیکی پولیس چوکی سے رابط قائم کرنے کے بعد جموں کی راہ لی ہے جہاں پولیس نے تمام قانونی و طبی لوازمات پورے کرنے کے بعد ان کی لاش کو لواحیقن کے حوالے کیا گیا ہے جو آج شام یہاں پہنچایا گیا ہے۔گلزار پورہ سے تعلق رکھنے والے ایک شخص نے بتایا مرحوم اپنے پیچھے بیوہ ،2بیٹیاں اور تین سالہ بیٹے کو چھوڈ گیا ہے۔انہوں نے بتایا گاﺅں میں لاش پہنچنے کے ساتھ ہی صف ماتم بیچھ گئی ہے۔ادھر ایک پولیس افسر نے واقعے کی تصدیق کرتے ہوئے بتایا کہ جب ہمیں اطلاع ملی تو ہم نے بھی جموں میں پولیس تھانے کے ساتھ رابط قائم کیا ہے جنہوں اس حوالے سے ایک انکوئری شروع کی ہے تاہم انہوں نے بتایا لاش پر کوئی زخم نہیں ہے جس سے اندازہ ہوتا ہے کہ یہ خود کشی کا واقعہ ہے تاہم انہوں نے کہا اس حوالے سے پولیس کیس کو ہر زاویہ سے دیکھ رہی ہے اور مکمل تحقیقات کے بعد ہی حقیقت سامنے آئے گی ۔