بھاجپا کی سونامی سے پی ڈی پی اور این سی خوفزہ،کسی بھی وقت انتخابات کے لئے تیار
دفعہ 370 زمین میں دفن ہوا ہے اور اسکی تاریخ وفات والی تختی نصب کرنا باقی ہے جبکہ پی ڈی پی کے پاس ایک ممبر پارلیمنٹ نہیں ہے اور محبوبہ مفتی 370 کو واپس لانے کی باتیں کر کے عوام کو گمرہ کر رہی ہے۔ان باتوں کا اظہار بھارتیہ جنتا پارٹی کے ترجمان الطاف ٹھاکر نے شاہ پورہ چھانکتار اور ڈاڈسرہ ترال میں متعدد عوامی وفود کے ساتھ ملاقات کے بعد کیا ہے۔کشمیر نیوز سروس ( کے این ایس ) کے مطابق الطاف ٹھاکر نے کہا مردہ کبھی زندہ نہیں ہو تے ہیں اس لئے دفعہ 370کبھی واپس نہیں آئے گا ۔انہوں نے کہا اب اس دفعے کے مقبرے پر تاریخی وفات والی تختی نصب کرنا باقی ہے ۔الطاف ٹھاکر نے بتایا محبوبہ مفتی کے پاس ایک بھی ممبر پارلیمنٹ نہیں ہے تو وہ کیسے اس دفعہ کو واپس لا سکتی ہے جس دفعہ کی وجہ سے کشمیر کو مصیبت دیکھنے پڑے اور تعمیر و ترقی میں ایک بڑی رکاوٹ تھا ۔ایک سوال کے جواب میں انہوں نے کہا بھارتیہ جنتا پارٹہ کسی بھی وقت انتخابات کے لئے تیار ہیں جبکہ پی ڈی پی این سی اور باقی جماعتیں خوفزدہ ہوئے ہیں۔انہوں نے ترال کی تعمیر و ترقی خاص کر ایس، ڈی ایچ ترال کے حوالے سے بتایا یہاں کے لیڈران نے علاقے کے ساتھ استحصال کیا یے جس کی وجہ سے یہ علاقہ تعمیر و ترقی میں پسماندہ رہا۔انہوں نے دورے کے دوران ڈاڈسرہ میں ایک بجلی ٹرانسفارمر کا افتتاح کیا ہے۔یہاں جاری ایک بیان میں، عوامی رسائی کے پروگرام کے ایک حصے کے طور پر، ٹھاکر نے سب سے پہلے ڈادسرہ علاقے کا دورہ کیا جہاں انہوں نے پی آر آئی کے فنڈ سے نصب بجلی ٹرانسفارمر کا افتتاح کیا۔ ڈادسرہ کے مقامی لوگوں نے ان تک پہنچنے اور الیکٹرک ٹرانسفارمر لگانے کے ان کے دیرینہ مطالبہ کو پورا کرنے پر ٹھاکر کا شکریہ ادا کیا۔ ٹھاکر نے انہیں یقین دلایا کہ ان کے تمام زیر التوا مطالبات کو پورا کیا جائے گا کیونکہ بی جے پی وادی کے دور دراز علاقوں میں رہنے والے لوگوں تک پہنچنے کا عہد کرتی ہے۔ بی جے پی لیڈر نے ترال کے مضافات کے گاو¿ں شاہ پورہ چھانکتار کا بھی دورہ کیا اور وہاں کئی عوامی وفود سے ملاقات کی اور ان کی شکایات سنیں۔ ٹھاکر نے انہیں یقین دلایا کہ ایل جی منوج سنہا کی قیادت میں بی جے پی حکومت اور پی ایم نریندر مودی جی کے سب کا ساتھ، سب کا وکاس اور سب کا وشواس کا نعرہ ذات، رنگ اور نسل سے بالاتر ہوکر سماج کے تمام طبقات کی فلاح و بہبود کے لیے پرعزم ہے۔ انہوں نے مقامی لوگوں کو یقین دلایا کہ ان کے حقیقی مسائل کو فوری طور پر حل کرنے کے لیے متعلقہ حکام کے ساتھ اٹھایا جائے گا۔ چنکیتار کے مقامی لوگوں نے سخت سردی میں ان تک پہنچنے کے لیے ٹھاکر کی ستائش کی۔
