سری نگر: 5،دسمبر: / ضلع اننت ناگ میں معروف ادبی تنظیم انجمن شعرو ادب جنوبی کشمیر کے اہتمام سے سالانہ کانفرس کا انعقاد کیا گیا۔جس میں مختلف اضلاع سے آئے ہوئے شاعروں، ادیبوں اور قلمکاروں نے شرکت کی۔تفصیلات کے مطابق جنوبی ضلع اننت ناگ میں انجمن شعرو ادب جنوبی کشمیر نے مراز ادبی سنگم اور ویلی انٹر نیشنل ہائی سکول کے اشتراک سے سالانہ ادبی کانفرنس منعقد کی۔تقریب میں مشروع نصیب آبادی نے کلیدی خطبہ پیش کیا اور مہمانوں کا استقبال کیا۔تقریب دو نشستوں پر مشتمل تھی۔پہلی نشست کی صدارت ریاض انزنو نے کی۔ ایوانِ صدارت میں مراز ادبی سنگم کے صدر علی شیدا ،نائب صدر ڈاکٹر محمد شفیع ایاز، انجمن شعرو ادب کے سرپرست نادر احسن اور وادی کے معروف شاعر، ادیب ، قلمکار اور نوو ادبی کاروان پلوامہ کے سرپرست عبدالرحمان فدا شامل تھے۔اس موقع پریوسف جانگیر نے ادب اور صحافت پر روشنی ڈالتے ہوئے کہا کہ صحافت کو کسی بھی صورت میں ادب سے جدا نہیں کیا جاسکتا۔نامور شاعر علی شیدا نے کہا کہ مراز ادبی سنگم جنوبی کشمیر کی ہر ادبی انجمن کو ااپنا دست تعاون فراہم کرتی رہے گی۔ریاض انزنو نے کہا کہ انجمن شعرو ادب جنوبی کشمیر نوجوان اور گمنام قلمکاروں کو پلیٹ فارم مہیا کرنے میں پیش پیش رہے گی۔ نشست میں فرحان ولرہامی کا شعری مجموعہ ”زآج پل “کی رسم رونمائی انجام دی گئی۔ فرحان ولرہامی کو توصیفی سند سے بھی نوازا گیا۔تقریب میں کئی قلمکاروں کو انعامات سے نوازا گیا۔جن میں علی شیدا کو لائف ٹائم اچیومنٹ ایوارڈ، سلطان محمد سلطان کو خلعت رسل میر اور ڈاکٹر شیدا حسین شیدا کو خلعت شاد بیاد پروفیسر غلام محمد شاد سے نوازا گیا۔نظامت کے فرائض رئیس جاں نثار نے انجام دئے۔ تقریب میں کئی صحافیوں کی بھی عزت افزائی کی گئی۔تقریب کی دوسری نشست میں ساہتیہ اکیڈمی ایوارڈ یافتہ شاعرہ قمر حمیداللہ کی صدارت میں ایک محفل مشاعرہ کا اہتمام ہوا۔ایوانِ صدارت میں سلطان محمد سلطان، بشیر زائر اور تنہا شہل پوری موجود تھے۔مشاعرے میں نظامت کے فرائض منظور خالد نے انجام دئے۔مشاعرے میں کئی شعرا نے اپنا کلام پیش کیا۔تقریب کے ا?خر پر نادر احسن نے تمام مہمانوں کا شکریہ ادا کیا۔