سری نگر:۰۲، دسمبر: متواتر 5ویں سال خشک موسم میں چلہ کلان کے واردِکشمیر ہونے کے امکان کے بیچ پوری وادی میں سردی کی لہر جاری ہے جبکہ شبانہ درجہ حرارت میں تنزلی کاسلسلہ بھی برقرار ہے ۔اس دوران محکمہ موسمیات نے 26دسمبر کوموسمی صورتحال میں معمولی تبدیلی کاامکان ظاہر کرتے ہوئے پھرکہاکہ رواں برس کے آخرتک موسم مجموعی طور پر خشک رہے گا۔موسمیاتی ماہرین نے کہاکہ خشک موسم کے چلتے سردی کی شدت بڑھ جائے گی ،اورکشمیر میں شبانہ درجہ حرارت منفی5سے8ڈگری سینٹی گریڈ کی نچلی سطح کوچھوسکتاہے ۔جے کے این ایس کے مطابق اتوار اور پیرکی درمیانی رات کے مقابلے میں پیراورمنگل کی درمیانی رات درجہ حرارت میں کمی ریکارڈ کی گئی۔محکمہ موسمیات نے کہاکہ 21دسمبر سے شروع ہونے والے40روزہ چلہ کلان کی آمد کے موقعہ پر درجہ حرارت میں کمی کاسلسلہ جاری ہے ،اوریہ حالیہ کئی ہفتوں سے جاری خشک موسمی صورتحال اورآسمان صاف رہنے کانتیجہ ہے ۔محکمہ موسمیات کے ایک اہلکار نے بتایاکہ پیراورمنگل کی درمیانی رات سری نگر میں کم سے کم درجہ حرارت منفی 3.4 ڈگری سینٹی گریڈ ریکارڈ کیا گیا جو اتوار اور پیرکی درمیانی رات منفی 3.1 ڈگری سینٹی گریڈ تھا۔انہوںنے کہاکہ سال کے اس وقت کے دوران سری نگرمیں شبانہ پارہ معمول سے1.9 ڈگری سینٹی گریڈ کم تھا۔محکمہ موسمیات کے ایک اہلکار نے بتایا کہ گلمرگ میں اتوار اور پیرکی درمیانی رات درج کم سے کم درجہ حرارت منفی2.5 ڈگری سینٹی گریڈ کے مقابلے میںپیراورمنگل کی درمیانی رات کم سے کم درجہ حرارت منفی 4.0 ڈگری سینٹی گریڈ ریکارڈ کیا گیا،جو معمول سے 0.8ڈگری سینٹی گریڈ زیادہ تھا۔انہوںنے مزیدکہاکہ کپواڑہ قصبے میں گزشتہ رات کم سے کم پارہ منفی 3.9 ڈگری سینٹی گریڈ رہا جبکہ یہاں اتوار اور پیرکی درمیانی رات کم سے کم درجہ حرارت منفی 3.5 ڈگری سینٹی گریڈ تھا۔محکمہ موسمیات کے ایک اہلکار نے بتایاکہ پہلگام میں پیراورمنگل کی درمیانی رات درجہ حرارت منفی5.4ڈگری سینٹی گریڈ درج کیاگیا جو اتوار اور پیرکی درمیانی رات منفی4.8 ڈگری سینٹی گریڈ ریکارڈ کیا گیاتھا۔انہوںنے کہاکہ قاضی گنڈ میں گزشتہ رات کم سے کم درجہ حرارت منفی 3.6 ڈگری سینٹی گریڈریکارڈکیاگیا جواتوار اورپیرکی درمیانی رات منفی3.2 ڈگری سینٹی گریڈ ریکارڈ کیا گیاتھا۔انہوں نے کہا کہ کوکرناگ میں اتوار اور پیرکی درمیانی رات کی طرح ہی پیر اورمنگل کی درمیانی شب کم سے کم درجہ حرارت منفی1.8 ڈگری سینٹی گریڈ ریکارڈ کیا گیا۔اس دوران محکمہ موسمیات نے 26دسمبر کوموسمی صورتحال میں معمولی تبدیلی کاامکان ظاہر کرتے ہوئے پھرکہاکہ رواں برس کے آخرتک موسم مجموعی طور پر خشک رہے گا۔موسمیاتی ماہرین نے کہاکہ خشک موسم کے چلتے سردی کی شدت بڑھ جائے گی ،اورکشمیر میں شبانہ درجہ حرارت منفی5سے8ڈگری سینٹی گریڈ کی نچلی سطح کوچھوسکتاہے ۔
