سرینگر 13مارچ // سوک ایکشن پروگرام کے تحت، پولیس ڈسٹرکٹ اونتی پورہ نے پامپور میں ایک روڈ ریس ایونٹ کا انعقاد کیا جس میں سب ڈویژن پامپور کے نوجوانوں نے حصہ لیا۔تقریب کو ایس ایس پی اونتی پورہ شری اعجاز احمد زرگر)جے کے پی ایس( نے جھنڈی دکھا کر روانہ کیا۔ اس موقع پر ایس ڈی پی او پامپور، ایس ایچ او پامپور، ایس ایچ او کھریو اور دیگر پولیس افسران موجود تھے۔روڈ ریس دوسو سے شروع ہو کر گورنمنٹ ڈگری کولیج پامپور تک ہوئی۔ایس ایس پی اونتی پورہ نے شرکاءسے بات چیت کرتے ہوئے کہا کہ ہر کسی کو کھیلوں کی سرگرمیوں میں حصہ لینا چاہیے کیونکہ اس سے ان کے خود اعتمادی، توجہ، جسمانی اور ذہنی صحت کو بڑھانے میں مدد ملتی ہے۔ انہوں نے کہا کہ طلبائ،نوجوانوں کو کھیلوں کا زیادہ سے زیادہ استعمال کرنا چاہئے اور کھیلوں کی سرگرمیوں کے ذریعے اپنی توانائی کو صحیح سمت میں استعمال کرنا چاہئے۔ انہوں نے نوجوانوں،طلبہ پر بھی زور دیا کہ وہ اپنے اپنے علاقوں میں انسداد منشیات کی مہم کا انعقاد کریں تاکہ معاشرے کو منشیات سے بچایا جا سکے۔اختتامی تقریب کے دوران، ایس ایس پی اونتی پورہ نے ایونٹ کے پہلے 10 فاتحین میں نقد انعامات، سرٹیفکیٹس اور تمام شرکاءمیں شرکت کے سرٹیفکیٹ تقسیم کی ہیں۔
