جموں//جنر ل آفیسر کمانڈنگ ( جی او سی ) 15کور لیفٹیننٹ جنرل ڈی پی پانڈے نے آج یہاں راج بھون میں لیفٹیننٹ گورنر منوج سِنہا سے ملاقات کی۔جی او سی نے لیفٹیننٹ گورنر کو جموںوکشمیر یوٹی میں موجودہ سیکورٹی صورتحال کے بارے میں آگاہ کیا۔ دورا نِ ملاقات داخلی سلامتی سے متعلقہ کئی اَمور اور اُن کے مؤثر اِنتظام پر بھی تبادلہ خیال ہوا۔لیفٹیننٹ گورنر نے جموں وکشمیر کے لوگوں کے لئے ایک محفوظ ماحول کو یقینی بنانے میں فوج کے کردار کی تعریف کی اور کسی بھی ہنگامی صورتحال سے مؤثر طریقے سے نمٹنے کے لئے سیکورٹی فورسز اور سول اِنتظامیہ کے درمیان قریبی ہم آہنگی کو برقرار رکھتے ہوئے اہم تنصیبات پر نگرانی بڑھانے کا مشورہ دیا۔
