وسطی کشمیر کے گاندربل ضلع کے گندرہمان ہران علاقہ میں انہدامی کاروائی کے دوران منگل کو ایک نوجوان نے خود سوزی کی کوشش کی ،جسکے نتیجے میں یہاں سخت تشویش کی لہردوڑ گئی ،جب کہ خودسوزی کی کوشش کرنے والے نوجوان کوصورہ میڈیکل انسٹی چیوٹ منتقل کیاگیا۔پولیس نے اس افسوسناک واقعے کی تصدیق کرتے ہوئے بتایاکہ جب محکمہ مال کی ایک مسماری ٹیم ،پولیس کے ہمراہ یہاں انہدامی کارروائی کیلئے پہنچی توسرکاری اہلکاروں پرکچھ لوگوںنے پتھراؤ کیااواسی دوران ایک نوجوان نے خودکوآگ لگادی ۔جے کے این ایس کے مطابق حکام نے بتایا کہ ایک شخص نے خود کو اس وقت جلا لیا جب محکمہ مال کی جانب سے گندرہمان ہران گاندربل میں انہدامی کاروائی چلائی جا رہی تھی اور اہلکاروں نے سرکاری زمین پر تعمیر کئے گئے اس کے نئے تعمیر شدہ کمپلیکس کو گرانے کی کوشش کی۔ ذرائع نے بتایاکہ ضلع گاندربل کے ریونیو اہلکاروں کی ایک ٹیم جموں کشمیر پولیس کے ساتھ منگل کو گاندربل کے ہران علاقے میں غیر قانونی تعمیر کے مقام پر پہنچی۔اس سے پہلے کہ پولیس یامحکمہ مال کے اہلکار تعمیر کے مقام پر پہنچ پاتے، ایک شخص نے عمارت کی چھت پر خود کو آگ لگا لی۔ انہوں نے مزید کہا کہ یہ تعمیر غیر قانونی ہے اور اس کےلئے متعلقہ محکموں میں سے کسی سے کوئی اجازت نہیں ہے۔حکام نے بتایا کہ کمپلیکس کے مالک کے بیٹے نے خاندان کے افراد اور رشتہ داروں کے ساتھ پارٹی کی طرف پتھراو کر کے انہدام کو روکنے کی کوشش کی۔انہوںنے نے بتایا کہ کمپلیکس کے مالک عبدالحمید شاہ ولد غلام احمد شاہ،ساکنہ ہرن گاندربل، اپنے نے نئے تعمیر شدہ کمپلیکس کو کنبہ کے ممبران ورشتہ داروں کے ساتھ مل کر محکمہ مال کی ٹیم کو روکنے کی کوشش میں اور پارٹی کی طرف کچھ پتھر پھینکے۔انہدامی کارروائی کمپلیکس کے مالک عامر احمد شاہ نے خودپر مٹی کا تیل یا پٹرول چھڑک کرخودسوزی کرنے کی کوشش کی۔حکام نے بتایا کہ واقعے کے بعد انہدامی مہم کو فوری طور پر روک دیا گیا۔ذرائع نے بتایا کہ عامرشاہ کو جھلسنے کی وجہ سے شدید چوٹیں آئی ہیں اور انہیں علاج کے لئے سری نگر کے ایک اسپتال منتقل کیا گیا۔اس دوران ایس ایس پی گاندربل نے میڈیا اہلکاروں اور سوشل میڈیا صارفین سے ویڈیو کو شیئریاگردش نہ کرنے کو کہا ہے۔واضح ر ہے کہ تحصیلدار گاندربل نے میونسپل کونسل کے ساتھ مل کر گندرہمن میں غیر قانونی تجاوزات کے خلاف انہدامی مہم شروع کی ہے۔دریں اثناءپولیس ترجمان نے ایک بیان میں کہا کہ محکمہ آبپاشی اور فلڈ کنٹرول کی جانب سے نالہ سندھ کے کناروں پر مسماری مہم کے دوران ایک شخص جس کی شناخت عامر احمد شاہ ساکنہ ہران گاندربل کے نام سے کی گئی تھی اچانک پیچھے سے نمودار ہوا۔ نالہ سندھ کے کنارے کھڑے غیر قانونی ڈھانچے کو گرانے کے خلاف احتجاجاً غیر قانونی ڈھانچہ کی چھت پر خود سوزی کر لی۔تاہم مذکورہ شخص کو ایس ایچ او گاندربل اور مقامی لوگوں نے موقع پر ہی بچالیا، تاہم آگ بجھانے سے پہلے ہی وہ جھلس کر زخمی ہوگیا اور اسے ہسپتال منتقل کردیا گیا۔ دریں اثنا، پولیس نے ہسپتال میں علاج کیلئے نوجوان کی مدد اور تعاون فراہم کیا ہے اور اہل خانہ کو بہترین طبی علاج کی یقین دہانی کرائی ہے۔پولیس کی ایک ٹیم پہلے ہی ہسپتال میں موجود ہے اور اس کے علاج کی سہولت فراہم کر رہی ہے۔
