سید اعجاز
ترال//میونسل کمیٹی ترال کی جانب سے بدھ کے روز ’’سوچھ سٹی‘‘ مہم کا باضابطہ طور آغاز کیا گیا ہے جس میں اے ڈی سی ترال شبیر احمد رینہ نے مہم کا افتاح کیا ہے اس کے علاوہ اس مہم میں کمیٹی کے صد سمیت مختلف رضا کار تنظیموںاور سماجی کارکنان کی شرکت کی ۔اس دوران سوچھ سٹی پروگرام کے تحت مختلف سرگرمیوں کے انعقادکیا گیا ہے ۔ میونسپل کمیٹی ترال کے ایگزیکٹو افسر منظور احمد نے بتایا کے ڈائریکٹر اربن لوکل باڈیز کشمیر کی ہدایات کی تعمیل میں آج مورخہ 02.03.2022 کو منایا گیا جس میں اے ڈی سی ترال، سٹیزن کونسل ترال، ٹریڈرز فیڈریشن ترال، مقامی سماجی کارکنان کے علاوہ معززین علاقہ نے شرکت کی ہے۔ صدر نے وارڈ ممبران کے ساتھ اس پروگرام میں شرکت کی جس میں ADC آفس سے گورنمنٹ گرلز ہائز سکنڈری سکول ترال کے راستے ہسپتال تک سڑک کی صفائی کی گئی۔ اس کے علاوہ صدر نے گورنمنٹ سکول کے طالبات میں فیس ماسک تقسیم کئے۔ یہاں یہ بات قابل ذکر ہے کہ میونسل پل کمیٹی ترال گزشتہ کئی سال سے ترال میں بہتر انداز میں اپنا کام کر رہا ہے جس کی وجہ سے ترال قصبہ صاف و شفاف نظر آ رہا ہے ۔