بشارت رشید
ترال: ڈگری کالج ترال کے عملے اور طلباء میں بیداری پیدا کرنے کی غرض سے، ریڈ ربن کلب اور کالج کے این ایس ایس یونٹس نے ٹی بی کے عالمی دن پر ایک سیمینار کا انعقاد کیا۔ پروگرام کا آغاز ڈاکٹر فیاض احمد ملہ (کنوینر ریڈ ربن کلب) کے تعارفی اور خطبہ استقبالیہ سے ہوا۔ اپنی مختصر گفتگو میں انہوں نے ٹی بی کے عالمی دن کو منانے کی اہمیت پر روشنی ڈالی، وہی ڈاکٹر شوکت احمد ڈار (سٹاف سیکرٹری) نے ٹی بی سے متعلق مختلف اعدادوشمار پر غور کیا۔ انہوں نے اس بیماری میں ملوث مریضوں کی مدد کے لیے حکومت کی طرف سے شروع کی گئی مختلف فلاحی اسکیموں پر بھی روشنی ڈالی۔ افتتاحی خطاب کالج کے پرنسپل پروفیسر (ڈاکٹر) محمد فاروق میر نے کیا۔ اپنی گفتگو میں انہوں نے ٹی بی کا ایک جامع خاکہ پیش کیا۔ اس کے علاوہ پروگرام میں ڈاکٹر شاہین خورشید، اور ڈاکٹر خان مبشر قیوم نے بھی ٹی بی کے حوالے سے اپنے تاثرات کا اظہار کیا، جبکہ این ایس ایس پروگرام آفیسر محمد عابد شاہ نے تمام شرکاء کا شکریہ ادا کیا۔