مسافروں کے بھاری رش سے خوش ہو کر، شہری ہوا بازی کی وزارت نے جمعرات کوایک اہم اقدام کے بطور سری نگر،شارجہ پروازوں کی ہفتہ وار تعداد2سے بڑھا کر ہفتے میں 5 کر دی۔فی الحال، گو فرسٹ سری نگر اور شارجہ کے درمیان فی ہفتہ2 پروازیں چلاتا ہے۔جے کے این ایس کے مطابق نجی شہری ہوابازی کمپنی ’گو ایئر‘ کو ہفتے میںسری نگراورشارجہ کے درمیان 5 پروازیں چلانے کی اجازت دی گئی ہے۔ شہری ہوابازی کی وزارت، حکومت ہند کے انڈر سیکرٹری انوپ پنت نے جمعرات کوگوائر کے نام ایک خط میں کہاکہ مجھے سری نگر،شارجہ روٹ پر میسرز گو ایئر کو ٹریفک کے حقوق مختص کرنے کیلئے مجاز اتھارٹی کی منظوری سے آگاہ کرنے کی ہدایت کی گئی ہے۔ شہری ہوابازی کی وزارت کے انڈر سیکرٹری انوپ پنت نے مزید کہاکہ سری نگر اورشارجہ کے درمیان ہفتے میں5پروازیں گرمیوں میں شروع ہوں گی۔اوریہ مختصAIC 10/2022 کے پیرا 3.6 کے تحت خاص طور پر سری نگر-شارجہ3 پر کام کرنے کے لیے دی گئی دفعات کے ذریعے دی گئی ہے۔ انڈر سیکرٹری انوپ پنت نے کہاکہ منظوری متعلقہ قواعد کے مطابق کیریئر کی ایک اور آپریٹنگ ضرورت کو پورا کرنے سے مشروط ہے۔خیال رہے سری نگراورشارجہ کی براہ راست پرواز کامیاب رہی ہے۔ اس پرواز کو مرکزی وزیر داخلہ امت شاہ نے23 اکتوبر 2021 کو جھنڈی دکھا کر روانہ کیا تھا۔ یہ 11 سالوں میں پہلی بار تھا کہ سری نگر ہوائی اڈے سے شارجہ کے لیے براہ راست پرواز شروع ہوئی۔ایک ماہ بعد نومبر2021 میں، پاکستان کی جانب سے اپنی فضائی حدود کے استعمال سے انکار کے بعد پروازوں میں ایک بڑی رکاوٹ کھڑی ہو گئی
