اننت ناگ// پولیس نے21اکتوبر کو ضلع اننت ناگ میں ایک خاتون کے قتل کے سلسلے میں بڑے بیٹے اور اس کے دوست کو گرفتار کیا ہے۔ اس موت کے بعد گھر والوں نے احتجاج شروع کر دیا تھا جنہوں نے اس کے سسر کو مورد الزام ٹھہرایا تھا۔پولیس نے بتایا21اکتوبر 2022کوشام 6بجے پولیس سٹیشن مٹن ضلع اننت ناگ کو ایک اطلاع موصول ہوئی کہ ایک خاتون رضیہ اختر زوجہ منظور احمد خان ساکن کہربل مٹن، جس کی عمر تقریباً 45 سال ہے سلیب سے پھسل کر گر گئی ہے انہوں نے کہا کہ یہ بھی پتہ چلتا ہے کہ اسے علاج کے لیے جی ایم سی اننت ناگ منتقل کیا گیا تھا۔ تاہم ڈاکٹروں نے اسے مردہ قرار دے دیا۔انہوں نے کہا کہ "اس کے طویل ازدواجی تنازعہ کی وجہ سے، سماجی حلقوں میں مختلف الزامات اور جوابی الزامات کی بوچھاڑ ہو رہی تھی۔”پولیس کے مطابق، انہوں نے کہا، ایک پولیس پارٹی کو تعینات کیا گیا تھا جس نے جائے وقوعہ کا معائنہ کرنے کے بعد مختلف سوالات اٹھائے کیونکہ یہ "مشکوک” معلوم ہوتا تھا۔کچھ مشتبہ افراد کی شناخت کی گئی تھی اور انہیں پوچھ گچھ کے لیے بلایا گیا تھا۔ دورانِ تفتیش کئی تضادات سامنے آئے جن پر مزید کام کیا گیا اور دو مشتبہ افراد عاقب احمد خان (مقتول کا بڑا بیٹا) اور عابد حسین گانی (عاقب کا دوست) ولد فاروق احمد گنی ساکن او کنگنہل اچھہ بل حال ہر محلہ کہر بل،” انہوں نے کہا، "ان دو افراد نے یہ جرم پیسے کی لالچ کے لیے کیا ہے۔انہوں نے کہا کہ ان دونوں نے مقتول سے رقم چھیننے کی مجرمانہ سازش کی تھی۔اس نے بتایا کہ اس دن 3بجے، عابد (شریک ملزم دوست) اس خاتون کے گھر گیا جہاں عاقب انتظار کر رہا تھا۔ پولیس اہلکار نے بتایا، "ان دونوں نے مقتول سے پیسے چھیننے کی کوشش کی جس کے نتیجے میں زبانی جھگڑا ہوا،” پولیس اہلکار نے مزید کہا، "ملزم نے اس کی ماں کوزبردستی گھونسے مارے اور وہ کچن میں گر گئی۔ ملزم نے ساتھی ملزموں کی مدد سے ایک بڑا پتھر لایا اور پھر اسے خاتون کے سر پر مارا جس سے سر میں شدید چوٹ آئی اور بالآخر خاتون ان زخموں کی تاب نہ لاتے ہوئے چل بسی۔پھر دونوں ملزمان نے اسے سلیب سے حادثاتی طور پر گرنے کی موت کے طور پر پیش کرنے کی پوری کوشش کی۔ "وہ لاش کو باہر لے آئے اور گھر کے سامان کو ترتیب دیا۔ مقتول کی چپل سلیب پر رکھی گئی تھی،” انہوں نے کہا، "دونوں ملزمان اس کے بعد رقم سمیت موقع سے فرار ہوگئے۔”انہوں نے کہا کہ سیکشن 302اور 34آئی پی سی کے تحت ایک مقدمہ (ایف آئی آر نمبر 95/2022) درج کیا گیا تھا اور مزید تفتیش کی گئی تھی۔ "دونوں ملزمان کو گرفتار کر لیا گیا ہے اور تفتیش جاری ہے۔”