سری نگر، 13 نومبر: محکمہ موسمیات نے اتوار کو جموں و کشمیر کے میدانی علاقوں میں اونچائی اور بعض میدانی مقامات پر ہلکی سے درمیانی درجے کی برف باری کی پیش گوئی کی ہے۔محکمہ موسمیات نے بتایا”آج دن میں موسم ابر آلود رہنے کا امکان ہے۔ آج رات (13 نومبر)سے – 15 نومبر تک موسم عام طور پر ابر آلود رہنے کی توقع ہے،” محکمہ موسمیات کے ایک اہلکار نے یہاں بتایا، "زیادہ تر مقامات پر ہلکی سے درمیانی بارش/برفباری متوقع ہے۔ میدانی علاقوں میں کچھ مقامات پر 14 نومبر کو 1-2 انچ برف پڑ سکتی ہے۔انہوں نے کہا کہ 15 سے 18 نومبر تک موسم ابر آلود رہے گا اور 19 سے 20 نومبر تک ہلکی سے درمیانی بارش/برفباری کا امکان ہے۔ "پیش گوئی کا اعتماد 75٪ تک ہے”، انہوں نے مزید کہا۔ انہوں نے کہا، برف باری اور کم درجہ حرارت 14 اور 19-20 نومبر کو بنیادی طور پر زوجیلا، سدنا ٹاپ، مغل روڈ وغیرہ پر سطحی نقل و حمل میں عارضی خلل کا باعث بن سکتا ہے۔انہوں نے مزید کہا کہ "سفر پر نکلنے سے پہلے، لوگوں کو ٹریفک پولیس سے سڑک کی حالت چیک کرنے کا مشورہ دیا جاتا ہے۔”