سری نگر:۸۲،نومبر:موسم خشک اورمطلع صاف رہنے کے باعث پوری کشمیر وادی سخت ترین سردی کی لپیٹ میں ہے ۔محکمہ موسمیات نے کہاکہ7دسمبرتک موسم میں کسی بڑی تبدیلی کی توقع نہیں ہے ،اسلئے درجہ حرارت میں مزید گراﺅٹ کیساتھ آنے والے دنوںمیں سردی کی شدت میں مزیداضافہ ہوسکتا ہے ۔متعلقہ محکمے نے بتایاکہ پیرکی صبح شہر سری نگر میں گہری دُھند چھائی رہی ۔اس دوران پیر کے روز آسمان پر کبھی ہلکے توکبھی گھنے بادل چھائے رہے جبکہ بازاروںمیں گرم ملبوسات اورجوتوںکی خریدوفروخت بھی بڑی گئی ہے ۔جے کے این ایس کے مطابق اتوار اور پیرکی درمیانی رات مشہور سیاحتی مقام پہلگام سردترین مقام رہا ،کونکہ وہاں رات کے وقت پارہ منفی4ڈگری سینٹی گریڈ تک گرگیاجبکہ کپوارہ ،سری نگر اورگلمرگ بالترتیب منفی2.1،منفی 1.8اورمنفی 1.0ڈگری سینٹی گریڈکیساتھ دیگر سردترین مقامات رہے ۔اس دوران شمالی ،وسطی اورجنوبی کشمیر کے بیشتر میدانی اوربالائی مقامات پر بھی درجہ حرارت نقطہ انجماد سے نیچے ریکارڈکیاگیا۔سری نگرشہر اوراسکے نواحی علاقوںمیں پیر کوصبح 8بجے تک اتنی گہری دھند چھائی رہی کہ ڈرائیوروںکوہیڈلائٹس آن کرکے گاڑیاں چلانی پڑیں ۔محکمہ موسمیات نے تفصیلات فراہم کرتے ہوئے بتایاکہ اتوار اور پیرکی درمیانی رات سری نگرمیں کم سے کم درجہ حرارت منفی 1.8 ڈگری سینٹی گریڈ ریکارڈ کیا گیا جو گزشتہ رات منفی 2.1 ڈگری سینٹی گریڈ تھا۔انہوں نے کہا کہ گرمائی دارالحکومت میں سال کے اس وقت کے دوران درجہ حرارت معمول سے0.9ڈگری سینٹی گریڈ کم تھا۔محکمہ موسمیات نے کہاکہ قاضی گنڈ میں دوران شب کم سے کم درجہ حرارت منفی 1.6 ڈگری سینٹی گریڈ ریکارڈ کیا گیا جو گزشتہ رات منفی 1.4 ڈگری سینٹی گریڈ تھا۔ انہوں نے کہا کہ یہاںدرجہ حرارت معمول سے 0.6 ڈگری سینٹی گریڈ کم تھا۔انہوں نے کہا کہ پہلگام میں اتوار اور پیرکی درمیانی رات پارہ منفی4.0 ڈگری سینٹی گریڈ ریکارڈکیا گیا جو گزشتہ رات منفی 3.4 ڈگری سینٹی گریڈتھا اور یہاں یہ معمول سے0.6 ڈگری سینٹی گریڈ کم تھا۔انہوں نے کہا کہ کوکرناگ میں گزشتہ رات درجہ حرارت منفی 0.4 ڈگری سینٹی گریڈ ریکارڈ کیا گیاجوگزشتہ رات کے برابراہے اور یہ اس جگہ کےلئے معمول سے0.8 ڈگری سینٹی گریڈ زیادہ تھا۔محکمہ موسمیات نے کہاکہ مشہور زمانہ سیاحتی مقام گلمرگ میں کم سے کم درجہ حرارت منفی1.0 ڈگری سینٹی گریڈ ریکارڈ کیا گیا، جو گزشتہ رات کی طرح تھا۔محکمہ موسمیات کے ایک عہدیدار نے بتایا کہ یہ مشہور سیاحتی مقام کے لئے معمول سے 2.1 ڈگری سینٹی گریڈ زیادہ تھا۔مذکورہ عہدیدار نے بتایا کہ کپواڑہ قصبے میں اتوار اور پیرکی درمیانی رات پارہ منفی 2.1 ڈگری سینٹی گریڈ ریکارڈکیاگیا جومعمول سے1.0 ڈگری سینٹی گریڈ کم تھا۔دریں اثناءمحکمہ موسمیات نے جموں و کشمیر میں اگلے24 کے لیے بنیادی طور پر خشک موسم کی پیش گوئی کی ہے اورساتھ ہی کہا ہے کہ 7 دسمبر تک کسی بڑی تبدیلی کی توقع نہیں ہے۔
