سری نگر:28،نومبر: کے این ایس : جموںو کشمیرسابق وزیر اعلیٰ اور پیپلز ڈیموکریٹک پارٹی (پی ڈی پی) کی صدر محبوب مفتی نے پیر کو اپنی گپکارہائش گاہ کوخالی کر کے ایک نجی گھر میں منتقل ہو گئیں۔کشمیر نیوز سروس( کے این ایس) کے مطابق پی ڈی پی کے ترجمان نجم الثاقب نے بات کرتے ہوئے کہا کہ محبوبہ مفتی نے آج گپکار کی رہائش گاہ خالی کر دی ہے اور وہ کھمبر علاقے میں ایک نجی رہائش گاہ میں منتقل ہو گئی ہیں۔جموں و کشمیر انتظامیہ نے محبوبہ مفتی سے سری نگر کے ہائی پروفائل گپکر روڈ پر واقع اپنی سرکاری رہائش گاہ خالی کرنے کو کہا تھا اور کہا تھا کہ وہ متبادل رہائش فراہم کرنے کے لیے تیار ہے۔کشمیر کے اسٹیٹ ڈپارٹمنٹ نے 15اکتوبر کو پی ڈی پی سربراہ کو ایک نوٹس بھیجا تھا جس میں ان سے کہا گیا تھا کہ وہ سرکاری رہائش گاہ خالی کر دیں جسے اب "فیئر ویو گیسٹ ہاو¿س” کے نام سے جانا جاتا ہے۔
