دوران شب کئی علاقوںمیں ہلکی بارش اور برف باری،گلمرگ میں10سینٹی میٹر برف ریکارڈ

سری نگر :۱۲، فروری: وادی کشمیر کے کچھ حصوں میں بارش اور برف باری ہوئی جبکہ گلمرگ میں 4 انچ تازہ برف باری ریکارڈکی گئی ۔اس دوران منگل کوپورے دن جموں وکشمیرمیں موسم خشک اور خوشگوار رہا۔جے جے این ایس کے مطابق محکمہ موسمیات کے ایک اہلکار نے یہاں بتایا کہ گلمرگ سمیت بالائی علاقوں میں تازہ برف باری ہوئی ہے۔انہوں نے کہاکہ مشہورسیاحتی مقام گلمرگ میںپیرکی رات بھر سے منگل کوصبح ساڑھے8 بجے تک 10 سینٹی میٹر (4 انچ) برفباری ریکارڈ کی گئی ہے۔انہوں نے کہا کہ سری نگر میں بارش کے آثار تھے، تاہم موسم خشک رہاجبکہ قاضی گنڈ میںمنگل کوصبح ساڑھے8 بجے تک4.3 ملی میٹر، پہلگام میں 4.3 ملی میٹر، کپواڑہ میں7.6 ملی میٹر، کوکرناگ میں 4.2 ملی میٹر، بانہال میں 0.6 ملی میٹر، بٹوٹ میں 0.2 ملی میٹر اور بھدرواہ میں 1.4 ملی میٹر بارش ریکارڈ کی گئی۔درجہ حرارت کے بارے میں، محکمہ موسمیات کے ایک اہلکار نے کہا، سری نگر میں پیراورمنگل کی درمیانی رات درجہ حرارت 5.0 ڈگری سینٹی گریڈیکارڈ کیا گیا،جومعمول سے 4.1 ڈگری سینٹی گریڈ زیادہ تھا۔ انہوں نے مزید کہاکہ گزشتہ رات قاضی گنڈ میں کم سے کم درجہ حرارت 4.7، پہلگام میں 0.8، کوکرناگ میں کم سے کم درجہ حرارت 3.7 ڈگری سینٹی گریڈ ریکارڈ کیا گیا۔انہوں نے کہا کہ گزشتہ رات گلمرگ میں کم سے کم پارہ منفی 3.5 ڈگری سینٹی گریڈ اور کپواڑہ قصبے میں پارہ گزشتہ رات 3.1 ڈگری سینٹی گریڈ رہا ۔دریں اثناءمحکمہ موسمیات نے اگلے 24 گھنٹوں میں زیادہ تر مقامات پر موسم صاف رہنے کی پیش گوئی کی ہے۔محکمہ موسمیات نے منگل کی صبح جاری تازہ موسمیاتی ایڈوائزری میں کہاکہ 22سے25فروری تک زیادہ تر مقامات پر بنیادی طور پر صاف سے جزوی طور پر ابر آلود موسم متوقع ہے۔انہوںنے مزیدکہاکہ 26سے27فروری کے دوران عام طور پر ابر آلود موسم کے ساتھ بکھرے ہوئے مقامات پر اونچی جگہوں پر ہلکی بارش وبرفباری کا امکان ہے۔محکمہ موسمیات نے 28فروری کوموسم مجموعی طور پر ابرآلودمگرخشک رہنے کی پیش گوئی کرتے ہوئے کہاکہ ماہ فروری کے آخر تک موسم میںکسی بڑی تبدیلی کاکوئی امکان نہیں ہے