سری نگر:29،مارچ: کے این ایس : محکمہ اسکول ایجوکیشن نے بدھ کو کشمیر ڈویڑن کے تمام سرکاری اور نجی اداروں کے اسکولوں کے اوقات کو صبح 10 بجے سے شام 4 بجے تک تبدیل کردیا۔کشمیر نیوز سروس ( کے این ایس ) کے مطابق اسکول ایجوکیشن کشمیر (DSEK) کے ڈائریکٹر تصدق حسین میر نے ایک سرکاری بیان میں، جس کی ایک کاپی کشمیر اسکرول کے پاس موجود ہے، کہا ہے کہ ضلع سری نگر اور صوبہ کشمیر کے دیگر علاقوں کی میونسپلٹی حدود سے باہر آنے والے تمام سرکاری اور تسلیم شدہ نجی اسکول۔ یکم اپریل سے صبح 10بجے سے شام 4بجے تک کے اوقات کی پیروی کریں گے۔”تمام متعلقہ اداروں کی طرف سے حکم/ہدایات پر سختی سے عمل کیا جائے گا۔ اس سلسلے میں کسی بھی انحراف کو سنجیدگی سے دیکھا جائے گا۔