سری نگر:۸،پریل: جے کے این ایس : 3سال گزرنے کے بعد بھی مارچ2020میں سراُٹھانے والے عالمگیر وبائی وائرس کووڈ19کااثرباقی ہے ۔تقریباً6ماہ تک کنٹرول میں رہنے کے بعد کووڈ19نے ہندوستان میں پھر تشویش پیدا کردی ہے ،کیونکہ یومیہ مثبت معاملات میں تیزی کاسلسلہ برقرار ہے ۔جے کے این ایس کے مطابق گزشتہ ہفتے یومیہ مثبت معاملات کی تعداد5000سے زیادہ ریکارڈ ہونے کے بعد مسلسل دوسرے روز ملک میں کورونا کے یومیہ کیس 6000سے زیادہ درج کئے گئے ہیں ۔جے کے این ایس کے مطابق مرکزی وزارت صحت کی جانب سے ہفتہ کی صبح 8بجے جاری کردہ تازہ اعدادوشمار کے مطابق ملک میں گزشتہ24گھنٹوں کے دوران 6155نئے مثبت معاملات سامنے آئے ،جسکے نتیجے میں فعال کیسوںکی تعداد 31ہزار194تک پہنچ چکی ہے ۔وزارت صحت کے مطابق جمعہ کی شام سے ہفتہ کی صبح تک ملک میں مزید11کورونا متاثرہ مریض فوت ہوئے ہیں۔متعلقہ وزارت نے مزید بتایاہے کہ ملک میں مارچ2020سے ابتک کورونا میں مبتلاءہونے والوںکی مجموعی تعداد4کروڑ47لاکھ51ہزار259ہوگئی ہے ،جن میں سے4کروڑ41لاکھ 89ہزار111کورونا متاثرین صحت یاب ہوئے ہیں ،تاہم اس عالمگیر وباءنے بھارت میں گزشتہ تین برسوں کے دوران5لاکھ30ہزار954افراد کوموت کی نیندسلادیاہے ۔مرکزی وزارت صحت کے مطابق ملک میں کورونا سے صحت یاب ہونے والے افراد کی شرح98.74فیصد ہے جبکہ فوت ہونے والوںکی مجموعی شرح1.19فیصد ریکارڈ کی گئی ہے ۔وزارت کے مطابق 31ہزار194فعال کیسوں کیساتھ ملک میں کوروناوائرس پھیلنے کی شرح0.07فیصد ہے ۔