بارہمولہ ،بڈگام:۰۱،اپریل:بارہمولہ ضلع میں پولیس نے پیر کے روز 2 خواتین منشیات فروشوں کو گرفتار کیا اور ان سے چرس جیسی ممنوعہ اشیاءبرآمد کی۔جے کے این ایس کے مطابق پولیس سٹیشن بارہمولہ نے روڈس اینڈ بلڈنگ آفس کے قریب معمول کی گشت کے دوران 2خواتین منشیات فروشوں شکیلہ بیگم اور مسکان بانو ساکنان دیوان باغ بارہمولہ کو گرفتار کیا ۔یہ دونوں دیوان باغ سے مین چوک بارہمولہ کی طرف آرہی تھیں کہ پولیس کی ایک چیکنگ پارٹی کو دیکھ کر موقع سے فرار ہونے کی کوشش کی لیکن انہیں بڑی تدبیر سے پکڑ لیا گیا۔پولیس نے بتایا کہ ان کی ذاتی تلاشی کے دوران ان کے پاس سے 200 گرام ممنوعہ چرس جیسامادہ برآمد ہوا اور دونوں کو فوری طور پر حراست میں لے لیا گیا۔پولیس نے مزید کہا کہ نارکوٹک ڈرگس اینڈ سائیکوٹرپک سبسٹنس (این ڈی پی ایس) ایکٹ کے تحت پولیس اسٹیشن بارہمولہ میں مقدمہ درج کیا گیا ہے اور تحقیقات شروع کردی گئی۔اس دوران ایس ڈی پی او پٹن محمد نواز کی نگرانی میں انچارج پولیس پوسٹ میرگنڈ کی قیادت میں ایک پولیس پارٹی نے ژانہ بل پٹن میں اےک ناکہ چےکنگ کی۔ چےکنگ کے دوران اےک گاڑی زےر جسٹریشن نمبرJK01N-8052تھا جس نے بھاگنے کی کوشش کی لیکن اسے حکمت کے ساتھ پکڑ لیا گیا۔ تلاشی کے دوران مذکورہ گاڑی سے 5 کلو پوست کی بھوسے جیسا مادہ برآمد ہوا۔ ڈرائیور کی شناخت عادل احمد بڈھا ولد محمد شفیع بڈھا ساکن شیر کالونی سوپور کے طور پر کی گئی ہے جس کو گرفتار کرکے پولیس اسٹیشن منتقل کردیا گیا ہے جہاں وہ زیر حراست ہے۔ جرائم میں استعمال ہونے والی گاڑی بھی قبضے میں لے لی گئی ہے۔دریں اثناءبڈگام پولیس نے بدنام زمانہ منشیات فروش کے خلاف پی ایس اے کے تحت مقدمہ درج کیا ۔پولیس نے بتایاکہ بڈگام پولیس نے مجاز اتھارٹی سے باضابطہ حراست کے احکامات حاصل کرنے کے بعد ایک بدنام زمانہ منشیات فروش کے خلاف پبلک سیفٹی ایکٹ (PSA) کے تحت مقدمہ درج کیا۔پولیس کے مطابق پی ایس اے کے تحت گرفتار منشیات فروش فیاض احمد گنائی ولد مرحوم عبدالاحد گنائی ساکنہ ہانجی بگ ماگام، کومقدمہ درج کرکے حراست میں لےکر جموں کوٹ بھلوال جیل منتقل کیاگیا۔ مذکورہ منشیات فروش کئی این ڈی پی ایس مقدمات میں ملوث تھا۔بڈگام ضلع کے مختلف تھانوں میں اور ضلع بڈگام کے مقامی نوجوانوں کو منشیات فراہم کرکے منشیات کے کاروبار کو فروغ دے رہا تھا۔ کئی ایف آئی آرز میں ملوث ہونے کے باوجود، منشیات فروش نے اپنی سرگرمیوں کو درست نہیں کیا۔