سید اعجاز
ترال//ہاو¿سنگ اور شہری امور کی وزارت کی جانب سے 6 سے 12 نومبر تک منانے والی مہم، سوچھ دیوالی شُب دیوالی کے پیش نظر میونسپل کمیٹی ترال کی جانب سے پنڈت آبادی والے علاقوں میں بڑے پیمانے ہر صفائی مہم جاری ہے ۔اس دوران گزشتہ کئی روز سے مزکورہ علاقوں میں صفائی ستھرائی کو یقینی بنانے کے لئے اقدامات اٹھائے گئے۔میونسپل کمیٹی کے ایک عہدیدار کے مطابق ترال کے پنڈت علاقوں میں میونسپل کمیٹی کرمچاریوں نے صفائی عمل میں لائی، جبکہ مندروں کے آس پاس بھی کوڑا کرکٹ اور گھاس پھوس کو صاف کیا جبکہ ان علاقوں میں لائٹیں نصب کئی گئی ان بستیوں کو دلہن کی طرح سجایا گیا ہے ۔ادھر پنڈت برادری کی جانب سے اس اقدام پر میونسپل کمیٹی کا شکریہ ادا کیا گیا ۔
