کشمیر میں زیادہ تر مقامات پر کم سے کم درجہ حرارت میں نمایاں بہتری

سری نگر27 نومبر کشمیر میں زیادہ تر مقامات پر کم از کم درجہ حرارت میں نمایاں بہتری آئی ہے، جس سے لوگوں کو شدید سردی سے کچھ راحت ملی، تاہم جنوبی کشمیر سمیت وادی کشمیر کے بیشتر علاقوں میں دھند کے باعث سردی میں پیر کو دن کے دوران بھی سخت سردی محسوس کی گئی ہے ۔اس دوران ڈائر ایکٹر محکمہ موسمیات نے بتایا27اور 28کو ہلکی برف باری اور بارشوں کے علاوہ 29نومبر کو پہاڑی علاقوں برف باری اور بارشوں کا امکان7دسمبر تک موسم خشک رہنے کا امکان ہے۔کشمیر نیوز سروس ( کے این ایس)کے مطابق شمالی کشمیر میں گلمرگ کا سکی ریزورٹ وادی کا واحد ویدر سٹیشن تھا جہاں کم از کم درجہ حرارت نقطہ انجماد سے نیچے منفی 1.2 ڈگری سیلسیس رہا۔حکام نے بتایا کہ جموں و کشمیر کے گرمائی دارالحکومت سری نگر میں کم از کم 3.5 ڈگری سیلسیس ریکارڈ کیا گیا جو کہ گزشتہ رات صفر ڈگری سیلسیس سے زیادہ ہے۔انہوں نے بتایا کہ جنوبی کشمیر میں وادی کے گیٹ وے ٹاو¿ن قاضی گنڈ میں کم سے کم درجہ حرارت 2.6 ڈگری سیلسیس پر طے ہوا، جب کہ کوکرناگ شہر میں کم سے کم 2.8ڈگری سیلسیس درج کیا گیا۔حکام نے بتایا کہ جنوبی کشمیر کے اننت ناگ ضلع کے سیاحتی مقام پہلگام میں کم سے کم درجہ حرارت 1.5ڈگری سیلسیس ریکارڈ کیا گیا۔اس دوران پیر کے روز جنوبی کشمیر کے بیشتر علاقوں میں موسم ابر آلود رہنے کے ساتھ ساتھ دھند کی وجہ سے سخت سردی کی لپیٹ میں رہا ہے تاہم کچھ بالائی علاقوموسم ابر آلود رہنے کے باجاود گرم رہے ہیں ۔شمالی کشمیر کے کپواڑہ قصبے میں کم سے کم درجہ حرارت منفی 1.8 ڈگری سیلسیس پر رہا۔دھند کی ایک موٹی تہہ نے پیر کی صبح وادی کو اپنی لپیٹ میں لے لیا۔ تاہم دھند کی وجہ سے سری نگر ہوائی اڈے پر فضائی ٹریفک پر زیادہ اثر نہیں ہوا۔محکمہ موسمیات نے کہا ہے کہ کشمیر میں کئی مقامات پر منگل تک ہلکی سے درمیانی دھند جاری رہنے کا امکان ہے۔جموں و کشمیر کے بیشتر مقامات پر موسم عام طور پر ابر آلود ہے اور منگل تک کچھ مقامات پر ہلکی بارش یا برفباری کے ساتھ ایسا ہی رہنے کا امکان ہے۔بدھ سے، کافی وسیع مقامات پر ہلکی سے درمیانی بارش یا برفباری کے امکانات ہیں اور دو دن کے دوران چند مقامات پر گرج چمک کے ساتھ گرج چمک کے ساتھ بارش کا امکان ہے۔