سید اعجاز
ترال //جامعة الاخلاص ترال کی جانب سے اتوار کو دستار بندی کی ایک پُر وقار تقریب منعقد ہوئی ،جس میں دارالعلوم جامعة الاخلاص میں تکمیل حفظ قرآن کے مناسبت سے 6ہونہار اسکولی طلباءکی دستار بندی کی گئی، جن کے نام یوں ہیں:۱) حافظ ثاقب جاوید ولد جاوید احمد ساکنہ: آری پل ترال دسویں جماعت کا طالب علم۔ ۲)حافظ ساجد علی خان ولد علی محمد خان ساکنہ:آری پل ترال، دسویں جماعت کا طالب علم۔ ۳)حافظ اشفاق بشیر ولد بشیر احمد گوجر ساکنہ: زراری ہار، دسویں جماعت کا طالب علم ۴) حافظ اشفاق یوسف، ولد محمد یوسف گوجر ،ساکنہ زراری ہار ماچھامہ نویں جماعت۔ ۵) حافظ عبدالمنتقیم گنائی ولد:مشتاق احمد گنائی ساکنہ :اوری گنڈ، آٹھویں جماعت۔اور۶) حافظ مصیب اشرف، ولد محمد اشرف، ساکنہ شاہ آباد ترال ساتویں جماعت کا طالب ہے۔خیال رہے حافظ مصیب اشرف نے صرف 4ماہ کے قلیل مدت میں تکمیل حفظ قرآن پاک کیا ہے۔جو کہ اسلامی تاریخ اور دارالعلوم جامعة الاخلاس کی تاریخ میں سنہرے حروف میں درج کیا جائے گا۔مذکورہ 6طالب علموں نے دارالعلوم جامعة الاخلاص سے شعبہ تحفیظ القرآن میں حفظ کی تکمیل کی ہے ۔دستار بندی کی یہ پُر وقار تقریب مسجد داوو¿د ترال پائین میں انجام دی گئی۔ معروف عالم دین اور اسلامی سکالر شیخ الحدیث حضرت الاقدس مفتی نذیر احمد قاسمی صاحب نے حفاظ کرام کی دستار بندی کے فرائض انجام دیے اور ان کی حوصلہ افزائی فرمائی۔اس موقع پر حضرت مولانا مفتی نذیر احمد قاسمی صاحب نے ایمان افروز بیان پیش کیا ۔اس موقع پر دعائیہ مجلس کا بھی اہتمام کیا گیا ۔ دستار بندی کی اس پُر رونق اور مقدس تقریب میں لوگوں کی ایک کثیرتعداد نے شرکت کی ۔ ۔تقریب ظہر کی نماز ادا کرنے کے بعد اختتام پذیر ہوئی۔ خیال رہے پروگرام کا آغاز تلاوت کلام پاک اور نعت مقبول رسول ﷺ سے ہوا ۔حافظ اشفاق یوسف نے کلام پاک کی تلاوت جبکہ رئیس الاسلام نے نعت رسول مقبولﷺ
پیش کیا ۔اس کے بعد جامعة الاخلاص کے چند ہونہار طلباءنے شیرین آواز میں ترانہ¿ اخلاص پیش کیا۔یاد رہے جامعة الاخلاص ترال سے ابھی تک قلیل مدت میں 20 کے قریب طلباءنے حفظ قرآن مکمل کرکے فراغت حاصل کی۔ خیال رہے یہ ادارہ معروف معالج مصنف ڈاکٹر نثار احمد بٹ ترال کے زیر نگرانی چلتا ہے
