سرینگر/11؍فروری
چیف سیکرٹری ڈاکٹر ارون کمار مہتا نے آج ڈیجیٹل جے کے ، ڈیجیٹل ڈسٹرکٹ اور ڈیجیٹل پنچایت مہم شروع کرنے کے لئے ایک میٹنگ کی صدارت کی تاکہ جموںوکشمیر میں زندگی کی آسانی کو فروغ دینے کے لئے مختلف اِی۔ گورننس اِقدامات کو ایک پلیٹ فارم پر لایا جاسکے۔میٹنگ میں صحت و طبی تعلیم ، سکولی تعلیم ، دیہی ترقی اور اِنفارمیشن ٹیکنالوجی محکموں کے اِنتظامی سیکرٹریوں نے شرکت کی۔چیف سیکرٹری نے آئی ٹی کنسلٹنٹس سے کہا کہ وہ مئی 2022 ء تک تمام سرکاری خدمات فراہم کرنے کے لئے یونیفائیڈ پلیٹ فارم بنا کر مشن موڈ میں ایک مربوط’’ ڈیجیٹل جے اینڈ کے ، ڈیجیٹل ڈسٹرکٹ اور ڈیجیٹل پنچایت‘‘ ماڈل کو تیار کرنے کے لئے کام کریں۔اُنہوں نے کہا کہ مختلف محکموں کی طر ف سے پیش کی جانے والی زائد اَز 200 سرکاری خدمات کو سنگل سائن آن (ایس ایس او) کے انتظام کے ساتھ ایک پلیٹ فارم پر آن لائن لایا جائے گا۔ فسٹ رجسٹریشن سے عوام کو ان کی منفرد ڈیجیٹل آئی ڈیز کا استعمال کرتے ہوئے متعدد سرکاری خدمات حاصل کرنے میں مدد فراہم کرے گی۔ڈاکٹر ارون کمار مہتا نے متعلقہ محکموں کو ذمہ داری سونپی کی کہ وہ خدمات کی فراہمی کو مزید احسن کرنے کے لئے غیر ضروری تعمیل کے بوجھ کو ختم کر کے اور ٹیکنالوجیکل اِنٹرونشنوں کا استعمال کرتے ہوئے تمام محکموں میں طریقہ کار کو آسان بنائیں۔تمام خدمات سٹیٹ ڈیٹا سینٹر ( ایس ڈی سی ) سے فراہم کی جائیں گی اور ہم آہنگی اور احسن مربوط کو یقینی بنانے کے لئے تمام جودہ خدمات کو بھی ایس ڈی سی پر منتقل کیا جائے گا۔اُنہوں نے مزید ہدایت دی کہ یہ خدمات تین زبانوں یعنی انگریزی ، ہندی اور اُردو میں وائس ٹو ٹیکسٹ کنورژن اور دستاویز نکالنے کی سہولیات کے ساتھ فراہم کی جائیں ۔ خدمات کو شروع سے آخیر تک ڈیجیٹائز کیا جائے گااور دستاویزات کسی اِنسانی مداخلت کے بغیر’’ Digi Locker‘‘ سے آن لائن درخواست دہندہ کو جاری اور ڈیلیور کی جائیں گی ۔ آخیر میں اِس بات کو یقینی بنانے کی کوشش کی جانی چاہیے کہ ’’ اُمنگ ‘‘ پلیٹ فارم پر تمام خدمات دستیاب ہوں گی۔اِن تمام کوششوں سے خدمات کی فراہمی کے نظام کو بہتر بنایا جائے گا اور دفاتر میں غیر ضروری لوگوں کی آمد و رفت کو کم کرنے کے علاوہ سسٹم کی اِفادیت میں اضافہ ہوگا ۔ آئی ٹی ڈیپارٹمنٹ سے کہا گیا کہ وہ اِس پروگرام کو ’’ آپ کا موبائل، ہمارا دفتر‘‘کے عنوان سے ایک مہم شروع کرے اور اِستفادہ کنند گان میں اِی۔ سروسز خواندگی کو فروغ دے۔