سری نگر:۹۲، دسمبر:کرائم برانچ کشمیر کی انسداداقتصادی جرائم ونگ نے جموں و کشمیر پولیس میں ملازمت فراہم کرنے کے بہانے شکایت کنندگان سے بھاری رقم ہتھیانے کے الزام میں 7ملزمان کے خلاف چالان مقامی عدالت میں پیش کیا ۔جے کے این ایس کے مطابق کرائم برانچ کشمیرنے ایک بیان میں کہاکہ چالان زیر ایف آئی آر نمبر 19/2019تحت سیکشن 419،420اور120Bآرپی سی کی روشنی میں JMIC گاندربل کی عدالت میں راکیش کمار، منظور احمد گنائی، محمد یوسف وانی،غلام محمد، عبدالقیوم شیخ، شکیل احمد میر اور عبدالحمید بٹ کے خلاف پیش کیا گیا۔بیان میں کہا گیا ہے کہ فوری طور پر مقدمہ تحریری شکایت کی وصولی پر درج کیا گیا تھا، جس میں یہ الزام لگایا گیا تھا کہ راکیش کمارنے دوسرے ملزمان کے ساتھ مل کر جموں وکشمیرپولیس میں ملازمت فراہم کرنے کے بہانے شکایت کنندگان سے بے ایمانی اور دھوکہ دہی سے بھاری رقم ہڑپ کی ہے۔بعد ازاں، اس معاملے کی ابتدائی تصدیق کرنے کا حکم دیا گیا جو کہ پولیس اسٹیشن کرائم برانچ کشمیر (اب اکنامک آفنس ونگ) میں مقدمہ ایف آئی آر نمبر 19/2015 کے اندراج اور تحقیقات پر منتج ہوا۔بیان میں مزید لکھا گیا ہے کہ تفتیش کے دوران یہ بات سامنے آئی کہ تمام ملزمان نے ایک منصوبہ بند مجرمانہ سازش کے تحت متاثرین کو جموں و کشمیر پولیس میں ملازمت فراہم کرنے کے بہانے لالچ دیا اور دھوکہ دے کر بڑی رقم ہڑپ کی۔بیان کے مطابق عدالتی طور پر ارتکاب شدہ کارروائیوں نے تحت سیکشن 419،420اور120Bآرپی سی کے تحت قابل سزا جرم کے ارتکاب کا انکشاف کیا اور اس کے مطابق عدالتی فیصلہ کے لئے چالان عدالت میں پیش کیا گیا۔
