سری نگر:۴۲، فروری: جے کے این ایس : محکمہ موسمیات نے مطلع ابرآلودرہنے کے بیچ آج اورکل کچھ بالائی علاقوں ہلکی بارش وبرف باری کاامکان ظاہر کرتے ہوئے کہاکہ 27فروری کوبھی کشمیروادی میں موسم جزوی طور پرمطلع ابر آلودرہے گا۔اس دوران جمعہ کوپوری کشمیروادی میں دن بھر چمکتی دھوپ چھائی رہی اورلوگوںنے سردی میں قدرے اضافی گرمی محسوس کی ۔جے کے این ایس کے مطابق محکمہ موسمیات نے مطلع ابرآلودرہنے کے بیچ آج اورکل کچھ بالائی علاقوں ہلکی بارش وبرف باری کاامکان ظاہر کرتے ہوئے کہاکہ 27فروری کوبھی کشمیروادی میں جزوی طور پرمطلع ابر آلودرہے گا۔محکمہ موسمیات نے مزید کہاکہ 28فروری کو بکھرے ہوئے مقامات پرمطلع ابر آلودرہنے کیساتھ ہلکی بارش وبرفباری ہوسکتی ہے جبکہ متعلقہ محکمہ نے کہاکہ مارچ کی پہلی اوردوسری تاریخ کو میدانی علاقوں میں ہلکی بارش اور اونچی جگہوں پر ہلکی سے درمیانی برف وبارش متوقع ہے ۔تاہم 3تا 7 مارچ کے دوران موسم خشک رہنے کی توقع ہے۔اس دورا ن جمعرات اور جمعہ کی درمیانی رات کم از کم درجہ حرارت میں اضافہ ہوا، حالانکہ محکمہ موسمیات نے جموں و کشمیر میں زیادہ تر مقامات پر موسم جزوی طور پر ابر آلود رہنے کی پیش گوئی کی ہے۔محکمہ موسمیات کے ایک اہلکار نے یہاںبتایا کہ سری نگر میں گزشتہ رات کے 1.6 ڈگری سینٹی گریڈ، قاضی گنڈ میں 0.2 ڈگری سینٹی گریڈ، پہلگام میںمنفی 3.8 ڈگری سینٹی گریڈ ر،کرناگ میں 2.0 ڈگری سینٹی گریڈ، گلمرگ میں منفی 3.4 ڈگری سینٹی گریڈ اور کپواڑہ قصبے میں پارہ منفی0.2 ڈگری سینٹی گریڈ ریکارڈ کیاگیا۔