سری نگر:یکم مارچ:فوج نے بدھ کے روز سپاہی پون کمار کو خراج عقیدت پیش کیا جو منگل کو اونتی پورہ سب ضلع کے پدگام پورہ گاو¿ں میں ایک تصادم کے دوران جاں بحق ہوئے تھے جبکہ اس جھڑپ میں2مقامی ملی ٹنٹ مارے گئے تھے ۔جے کے این ایس کے مطابق آرمی نے کہا کہ چیف آف اسٹاف، چنار کور اور تمام رینک نے سپاہی کمار کو خراج عقیدت پیش کیا۔پی آراﺅ ڈیفنس سری نگر نے کہاکہ 55راشٹریہ رائفلز کے26سالہ سپاہی پون کمار اور آپریشنل ٹیم کا ایک حصہ جس نے بہادری کے ایک سراسر عمل میں ملی ٹنٹوں کو ہلاک کرنے میں اہم رول اداکیا اور وہ شدید زخمی ہوگیا۔فوج نے کہاکہ بعد میں سپاہی پون کمارزخموں کی تاب نہ لاتے ہوئے چل بسا۔پی آراﺅ ڈیفنس سری نگر نے کہاکہ سپاہی پون کمارنے ہندوستانی فوج کی اعلیٰ ترین روایات میں سب سے بڑی قربانی دی۔فوج کے مطابق 26 سالہ پون کمار نے 2014 میں فوج میں شمولیت اختیار کی تھی اور اس کا تعلق ہماچل پردیش کے رام پور شملہ کے گاو¿ں پتھیت سے تھا۔ پسماندگان میں ان کی والدہ ہیں۔پی آراﺅ ڈیفنس سری نگر نے کہاکہ بہادر سپاہی کی میت کو آخری رسومات کےلئے ان کے آبائی مقام گاو¿ں پتھیت، پوسٹ کنو، تحصیل رام پور، ضلع شملہ، ہماچل پردیش منتقل کیا جا رہا ہے اور پورے فوجی اعزاز کے ساتھ وہاں اُنکی آخری رسومات اداکی جائیں گی۔انہوںنے مزید کہاکہ غم کی اس گھڑی میں فوج سوگوار خاندان کے ساتھ یکجہتی کے ساتھ کھڑی ہے اور ان کے وقار اور بہبود کے لیے پرعزم ہے۔
