جموں//چیف سیکرٹری ڈاکٹر ارون کمار مہتا نے محکمہ تعمیراتِ عامہ ( آ ر اینڈ بی ) کو ہدایت دی کہ وہ کیپکس ، سی ایس ایس اور پی ایم جی ایس وائی کے تحت کاموں کی اَنجام دہی میں تیزی لائے تاکہ جموںوکشمیر کے ہر دیہات تک سڑک یقینی بنایا جاسکے۔اُنہوں نے محکمہ کے کام کاج کا جائزہ ایک میٹنگ کے دوران لیا جس میں پرنسپل سیکرٹری پی ڈبلیو ڈی اور محکمہ کے دیگر سینئر اَفسران نے شرکت کی۔چیف سیکرٹری نے محکمہ کی کارکردگی کو سراہتے ہوئے محکمہ سے کہا کہ وہ اگلے برس کے دوران پی ایم جی ایس والی سوم کے تحت 1,750 کلومیٹر سڑک کی مسافت کے ہدف کو حاصل کرنے کو یقینی بنائے ۔اُنہوں نے سرحدی دیہاتوں میں کنکٹوٹی بڑھانے پر زور دیا اور اُنہوں نے ہدایت دی کہ اگلے برس جموںو کشمیر میں تمام سرحدی چوکیوں کو سڑکوں سے جوڑا جائے پرنسپل سیکرٹری پی ڈبلیو ڈی شیلندر کمار نے کیپکس پر اپنی پرزنٹیشن میں کہا کہ محکمہ نے دسمبر2021ء تک جاری کردہ فنڈس کا 52فیصد خرچ کیا ہے جوکہ گذشتہ برس کی اِسی مدت کے مقابلے میں اخراجات میں 22فیصد زیادہ ہے۔اُنہوں نے مزید جانکاری دی کہ سینٹرل روڈ اِنفراسٹرکچر فنڈ ( سی آر آئی ایف ) اور پی ایم جی ایس وائی کے تحت بالترتیب 95فیصد اور 80 فیصد خرچ کیا گیا ہے۔اُنہوں نے مزید کہا کہ 4,355 کاموں میں سے جن کی اِنتظامی منظور ی دی گئی ہے اور عمل درآمد کے لئے3,988 کام الاٹ کئے گئے ہیں۔پرنسپل سیکرٹری پی ڈبلیو ڈی نے مختلف سکیموں کے تحت مکمل کئے گئے کاموں کی تفصیلات دیتے ہوئے کہا کہ رواں سال کے دوران اَب تک کل 2,650 پروجیکٹ مکمل کئے گئے ہیں۔رواں مالی سال کے دوران 8000 سڑکوں کے ہدف کے مقابلے میں 5,629 سڑکوں کو بلیک ٹاپ کیا گیا ہے جبکہ 2011سڑکوں کو میٹل / شننگ کیا گیا ہے۔نبارڈ کے تحت منظور کئے گئے 819 پروجیکٹوں میں سے جبکہ گذشتہ برس کے دوران 131 کام مکمل کئے گئے تھے اوررواں مالی سال کے د وران اَب تک 31 پروجیکٹ مکمل کئے گئے ہیں۔پی ایم جی ایس وائی اوّل اور دوم کے تحت 322سڑکوں کے ہدف کے مقابلے میں مارچ2021ء تک 226 سڑکیں مکمل کی گئیں جبکہ 241 ایسے پلوں کے ہدف کے مقابلے میں103 طویل مدتی پُل منصوبے مکمل ہوئے۔ڈاکٹر ارون کمار مہتا نے باقی کام کو جلد از جلد مکمل کرنے پر زور دیا۔اُنہوں نے محکمہ کو مشور دیا کہ وہ قابل عمل پروٹوکول کے ذریعے مختلف ریگولیٹری منظوریوں اور بولی کے دستاویزات کی تیاری کے اِنتظار میں ضائع ہونے والے وقت کو کم کرنے کے لئے اختراعی طریقہ کار اَپنائیں۔اِس سے قبل یونین ٹیریٹری لیول سٹینڈنگ کمیٹی ( یوٹی ایل ایس سی ) کی میٹنگ کی صدارت کرتے ہوئے چیف سیکرٹری ارون کمار مہتا نے محکمہ کو ہدایت دی کہ وہ اِس بات کو یقینی بنائے کہ پی ایم جی ایس وائی کے تحت پروجیکتوں کو شارٹ کلوزر صرف متعلقہ پنچایتوں کی مشاورت سے کی جائے۔ڈاکٹر ارون کما ر مہتا نے پی ایم جی ایس وائی اول اور دوم کے تحت 9 پروجیکٹوں کی منظوری ختم کرنے کی محکمانہ تجویز سے اتفاق کرتے ہوئے محکمہ سے کہا کہ وہ ایسے تمام پروجیکٹوں پر غور کرنے کے اِمکان کو تلاش کرے جن کو پی ایم جی ایس وائی چہارم کے تحت ممکنہ طورپر شروع کیا جاسکتا ہے۔چیف سیکرٹری نے محکمہ کو پی ایم جی ایس وائی اول اور دوم کے تحت تمام 249 پروجیکٹوں کو ستمبر 2022 ء تک مکمل کرنے کی ہدایت دی۔
