اننت ناگ 23 اکتوبر 2024 ئ خوراک ، شہری سپلائیز اور امور صارفین ، یوتھ سروسز اور کھیل ، ٹرانسپورٹ ، سائینس اینڈ ٹیکنالوجی اور اے آر آئی اینڈ ٹریننگ کے وزیر ستیش شرما نے ایم ایل اے بجبہاڑہ ڈاکٹر بشیر احمد شاہ ویری کی موجودگیاس موقع پر ڈائریکٹر جنرل یوتھ سروسز اینڈ سپورٹس اور سیکرٹری سپورٹس کونسل کے علاوہ مختلف محکموں کے سینئر افسران بھی موجود تھے ۔ اس تقریب کا اہتمام جے اینڈ کے والی بال ایسوسی ایشن نے جے کے اسپورٹس کونسل کے تعاون سے کیا تھا جس کا مقصد خطے کے نوجوانوں میں کھیلوں اور جسمانی فٹنس کو فروغ دینا تھا ۔ اس موقع پر بات کرتے ہوئے ستیش شرما نے مسٹر عمر عبداللہ کی قیادت میںنوجوانوں میں کھیلوں کی صلاحیت کو فروغ دینے کے حکومت کے عزم کا اعادہ کیا ۔ وزیر موصوف نے کہا کہ یہ ایونٹ نچلی سطح پر کھیلوں کو فروغ دینے اور نوجوانوں میں جسمانی فٹنس کے کلچر کو فروغ دینے کے وژن سے ہم آہنگ ہے ۔ انہوں نے نوجوانوں کو کھیلوں میں شامل ہونے پر زور دیا اور انہیں منشیات کی لعنت کے خلاف ایک آلہ قرار دیا ۔ مقامی ایتھلیٹس کی لگن اور محنت کی تعریف کرتے ہوئے وزیر نے مقامی بین الاقوامی والی بال کھلاڑی مقدس مسکان کو اپنی پہلی تنخواہ سے 20 ہزار روپے اور گراو¿نڈ مین محمد شفیع کو کرکٹ پچ کو برقرار رکھنے میں سخت محنت کرنے پر 10 ہزار روپے دے کر ان کی حوصلہ افزائی کی ۔ مسٹر ستیش شرما نے نوجوانوں میں اتحاد ، نظم و ضبط اور ٹیم ورک کے جذبے کو فروغ دینے میں کھیلوں کی اہمیت پر زور دیا ۔ وزیر موصوف نے نوجوان ٹیلنٹ کو پروان چڑھانے اور مستقبل قریب میں بھی اس طرح کی تقریبات کے انعقاد کے ذریعے خطے میں کھیلوں کی شاندار ثقافت کو فروغ دینے کیلئے یوتھ سروسز اینڈ سپورٹس محکمے کو سراہا ۔
